【家庭料理食谱】蒜香牛油蘑菇Garlic Butter Mushrooms｜编：Cooking 爸爸

蒜香牛油蘑菇🍄🧄🧈

小编今次就为大家准备一个超入屋、又简单又邪恶慨小菜：「蒜香牛油蘑菇」！呢道菜真系百搭，无论系做晚餐配菜、宵夜小食，甚至系聚会下酒都啱晒。材料容易买得到，做法仲快过外卖，保证人人都钟意。

🛒 食材准备（2-3人份）

• 新鲜蘑菇（白蘑菇或啡蘑菇都得）：约300g 🍄
• 牛油（无盐更佳）：30g 🧈
• 蒜头：3-4瓣（切碎）🧄
• 橄榄油：1汤匙🫒
• 新鲜香草（可选：欧芹/百里香/迷迭香）：少许🌿
• 盐：适量🧂
• 黑胡椒碎：适量🌑
• 柠檬汁：数滴🍋

👩🏻🍳 详细烹调流程

1. 处理蘑菇<br>用厨房纸轻轻抹干净蘑菇表面慨泥尘，唔好长时间冲水，因为蘑菇好吸水，炒慨时候会出好多水。大只慨可以切半或切四件，细细粒就可以原个整。

2. 切蒜头<br>蒜头去衣切碎，唔好切到太幼粉状，否则一落镬好快燶，会带苦味。

3. 热镬落油<br>中火加热平底镬，落一汤匙橄榄油，等油微微发热，先落蒜碎炒香。此时成个厨房都会有蒜香味，超治愈～

4. 加入牛油<br>蒜香炒出嚟后，加入牛油，等渠慢慢溶化，记住要用中小火，避免牛油燶咗。

5. 炒蘑菇<br>将蘑菇一次过放入镬，轻轻翻炒。头一两分钟会见到蘑菇出水，继续炒至水份慢慢收干，蘑菇开始变金黄色，仲会吸晒牛油蒜香。

6. 调味<br>加入适量盐同黑胡椒碎。最后可以洒少少新鲜香草碎（如欧芹），再滴几滴柠檬汁，味道即刻清新唔腻。

7. 完成上碟<br>热辣辣上碟，牛油香、蒜香同蘑菇本身慨鲜甜味完美融合，食到停唔到口！

🌟 小编贴士

• 想更香口，可以最后加少少辣椒碎🌶️，变成「蒜香辣牛油蘑菇」。
• 如果用焗炉，都可以将材料拌匀后，入焗炉200°C焗大约15分钟，味道同样正。
• 配面包一齐食，牛油汁用嚟捞面包，真系邪恶到晕～